Socha na tha !!

Jaane kya hua, maano kaynat badli

Uski hansi main basi wo shararat badli

Ankhon ka nasha jo madhosh karde

Wo nasha na rahega, ye socha na tha!!

 

Ye hawa badli, ye bahar badli

Barish ki boondo ki rafter badli

Khush the hum in lamho main jeeke

Par tum badal jaoge ye socha na tha!!

 

Bade log thak gaye ye kahte kahte

Samay hai badalta, insaan bhi hain badalte

Par dil na maana, kaha main sab rok dunga

Us honi ko rok na payenge, ye socha na tha!!

 

Hona kya hai, samjhayenge is dil ko

Kahenge nahi rahta sab ek jaisa

Palak bhi na jhapka paye, dil ko samjha bhi na paye

Sab itni jaldi hoga, khuda janta hai, ye socha na tha!!

 

To fir aur kya hai !!

Wo bike ki kanch se chhup chhup ke dekhna
Wo ankhen milte hi halka sa muskurana
Wo chashme ke bheeter se ankhon ko padna
Ye chahat nahi hai to fir aur kya hai?

Wo teekhi nigahen, kuch janne ki kashish
Itne dino se na mil pane ki khalish
Kuch samay main sab dekhne ki gujarish
Shikayat nahi hai to fir aur kya hai?

Wo bhari sa basta, wo nanhi si ladki
Sahara pati meri ummeed ki khidki
Wo aage aage chalke, sath main bulana
Adayen nahi hai to fir aur kya hai?

Wo bheegi si julfe, wo bheeni si barish
Wo kampte hoth, wo alsati ankhen
Hothon ko seeke, ankhon se bolna
Sazish nahi hai to fir aur kya hai?